Faahfaahino ayaa ka soo baxaya weerar koox hubeysan ay xalay ku qaaday hoyga uu magaalada Garoowe ka deggan yahay Taliyaha Qaybta Booliska gobolka Nugaal Maxamed Aadan Jaamac.
Wararka ayaa sheegaya in muddo daqiiqado ah rasaas laga maqlay guriga Taliyaha oo ku yaalla xaafadda 1-da August oo ka mid ah goobaha aadka loo ilaaliyo ee magaalada Garoowe
Ma jiro illaa hadda khasaare laga soo wariyay is-rasaaseyn kooxda hubeysan iyo ilaalada taliyaha qeybta booliiska gobolka Nugaal.
Wararka qaar ayaa sheegaya in weerarkan au ka dambeeyeen maleeshiyo ku heyb ah Nin shalay uu soo xiray taliyaha, kaasoo lagu eedeeynayo inuu dil uu u geystay Sarkaal ka tirsan Ciidanka gaarka ah ee Puntland.
Booliska Puntland ayaa Magaalada Garoowe ka dhex raadinaya Kooxda hubeysan oo weerartay hoyga Taliyaha oo illaa hadda aan gacanta lagu dhigin.
