Kooxda Liverpool ayaa guul dirqi ah ka gaadhay kooxda Brighton iyaga oo sii wata guulaha premier League halka ay wali sii wado rikoodhkeeda guuldaro la,aanta ah.
Reds ayaa kaadhak cas looga taagay Goolhaye Alisson daqiiqadihii ugu dambeeyay ee ciyaarta kadib markii uu gacanta ku taabtay kubada isaga oo ka baxsan dilinta ganaaxa.
Liverpool ayaa guushan uga mahad celinaysa daafaca Virgil Van Dijk kaas oo dhaliyay 2 gool sidoo kale soo bandhigay qaab ciyaareed cajiib ah.
Daqiiqadii 18-aad ayuu Virgil Van Dijk DHaliyay goolka 1-aad isaga oo madax u badalay kubad uu ka helay daafaca Trent Alexander-Arnold isaga oo ciyaarta ka dhigay 1/0.
Isla Daafaca Virgil Van Dijk ayaa daqiiqadii 24-aad soo laabtay kooxdiisana u dhaliyay goolka 2-aad ee ciyaarta isaga oo caawin ka helay mar kale Trent Alexander-Arnold.
Waxa sidaas ku dhamaatay qaybtii hore ee ciyaarta oo Liverpool si qurux badan u ciyaartay laba gool-na dhaliyay.
Qaybtii dambe ayayna ciyaartu waxba iska badalin ilaa daqiiqadihii ugu dambeeyay iyada oo Liverpool la tacaashay si ay guusha ula baxdo qaybtii dambe.
Daqiiqadii 76-aad ayaa kaadhka cas loo taagay Goolhaye Alisson kadib markii uu gacanta ku taabtay kubada isaga oo ka baxsan dilinta ganaaxa.
Isla daqiqiadii 79-aad ayaa Liverpool laga dhaliyay laad xor ah oo la yaab leh oo la dhaliyay goolhayaha Liverpool oo sii jeeda iyaga oo uu Brighton goolka u dhaliyay xiddiga Lewis Dunk kaas oo ciyaarta ka dhigay 2/1.
Ugu dambayn Liverpool ayaa guul 2/1 ah ka gaadhay ciyaarta iyaga oo sii waday rikoodhkooda guulaha ee premier League xilli ciyaareedkan.
