Xiddigo badan oo da,yar ah oo premier League ah ayaa muujiyay in ayna da,du ahayn arin ka hor istaagaysa in ay guulo ka gaadhaan tartanka iyaga oo soo bandhigay qaab ciyaareed haatanba u hor seedaya in ay ugu cad-cadaadaan ku guulaysiga abaalmarinta da,yarka ugu fiican ee dhamaadka xilli ciyaareedka.
Xiddigaha jira 23 jirka iyo wixii ka badan ayaa dhamaadka xilli ciyaareedkan u tartami doona abaalmarinta da,yarka ugu fiican.
Xiddigaha da,yarka ah ayaa dhexdooda sameeyay 103 gool, 75 caawin iyo waliba 107 badbaadin iyaga oo dhexdooda ciyaaray 886 kulan.
Hadaba Boga Premier League auaa soo saaray Liiska xiddigaha da,yarka ah ee ugu cad-cad abaalmarinta da,yarka ugu fiican xilli ciyaareedka.
Xiddiga kooxda chelsea ee Tammy Abraham oo ciyaarayay xilli ciyaareedkiisii ugu horeeyay ee premier League ayaa dhaliyay 10 gool xilli uu xiddiga 22 jirka ah noqday xiddigii ugu yaraa ee gaadhay 10 gool premier League.
Xiddiga kale ayaa ah Marcus Rashford xiddiga weerarka uga ciyaara kooxda Man United isaga oo dhaliyay 6 gool isaga oo ah da,yarka ugu soo dhaw Abaraham
Xiddigaha kale ee Mason Mount, Wesley, James Maddison, Neal Maupay & Harry Wilson ayaa sidoo kale ah xiddigaha wacdaraha dhigaya iyaga oo dhaliyay min 4 gool.
Xiddiga kooxda Liverpool ee Trent Alexander-Arnold ayaa sii wada qaab ciyaareedkiisii cajiibka ahaa isaga oo kooxdiisa u abuuray 42 fursad oo gool laga dhalin karo isaga oo 14 ka badan xiddiga Emiliano Buendia oo u ciyaara kooxda Norwich City.
Xiddiga Burnley ee Dwight McNeil iyo xiddiga Leicester City ee Harvey Barnes ayaa sidoo kalsameeyay 4 caawin isaga oo 4 caawin isaga oo hal ka badan Alexander-Arnold.
Xiddiga khadka dhexe ee kooxda Leicester City ee Wilfred Ndidi ayaa si cajiib ah ku bilowday xilli ciyaareedkan waxna uu ka mid yahay xiddigaha u sharaxan abaalmarinta.
Daafaca Southampton ee Jan Bednarek ayaa dhanka kubad dilista ugu badan halka xiddiga Norwich City Ben Godfrey 16 jeer kubad dilay sidoo kale.
Dhanka goolhayayaasha Dean Henderson oo u ciyaara kooxda Sheffield United ayaa ah Goolhayaha ugu fiican ee dhanka da,yarka isaga oo ku jira tartanka Goolhayaha ugu fiican.
