Wareegto uu soo saaray Madaxweynaha Soomaaliya Xasan Sheekh Maxamuud, ayaa magaca looga beddelay xerada Jeneraal Gordon , waxaana xeradan loogu magacdaray korneel u dhashay Imaaraadka Carabta oo Muqdisho lagu dilay.
Xeradan oo katirsan Kuliyadda Jaalle Siyaad ayaa horey loogu magacdaray Maxamed Ibraahim Faarax Jeneraal Gordon oo ahaa jeneraal u dhintay dalka , kaalin weyna ku lahaa dagaalkii Al Shabaab looga saaray Muqdisho iyo Shabeelaha Hoose.
Janaraal Gordan ayaa ku baxay gacanta kooxaha hubeysan ee kasoo horjeeda dowladda Soomaaliya, waxaana sargaalkan lagu maamuusay in loogu magacdaro xeradan oo degan yihiin laguna tababaro cutubyo katirsan milatariga Soomaaliya.
Madaxweyne Xasan ayaa meesha ka saaray hadda maamuuskii horey loogu sameeyay Generaal Gordon, waxa uuna hadda Madaxweynaha maamus u sameeyay oo xeradan kugu magacdaray sargaal u dhashay Imaaraadka Carabta oo nin hubeysan xeradan ku dhax dilay.
Sidoo kale madaxweynaha ayaa wuxuu xerada Damaanyo ugu magac daray Sareeye Guuto Maxamed Ibraahim Faarax (Gordon).
Wareegtada xeerka madaxweyne oo soo baxday isku waqti ayaa goor sii horeysay baraha bulshada waxaa qabsaday mid kamid ah warqada magac ka bedelida xeradii hore General Gordon loogu magac daray.
Madaxweynaha ayaa si weyn loogu dhalleeceeyay in xeradii hore ee General Gordon uu magaca ka beddelo, uuna ugu magac daro sarkaal dal shisheeye, inkasta oo xero kale uu markii dambe ugu magac daray General-ka.
