Xildhibaanada golaha shacabka ee Baarlamaanka Federaalka Soomaaliya oo goordhaw la horgeeyay Ra’isul Wasaaraha magacaaban Maxamed Xuseen Rooble ayaa si aqlabiyad leh u siiyay codka kalsoonida.
Kulanka Golaha Shacabka oo maanta oo xaadireen 215-Xildhibaan ayaa waxaa ogolaaday kalsooni siinta Ra’isul Wasaaraha cusub dhamaan Xildhibaanada golaha Shacabka oo gaarayay 215-Xildhibaan.
Gudoomiyaha Golaha Shacabka ee Baarlamaanka Federaalka Maxamed Mursal Sheekh Cabdiraxmaan ayaa sheegay in Ra’isul Wasaaraha cusub uu helay codka kalsoonida Xildhibaanada kadib markii dhamaan ogolaadeen Xildhibaanada.
Ra’isul Wasaaraha cusub ee Soomaaliya Maxamed Xuseen Rooble ayaa la filayaa in uu dhawaan soo dhiso Golle Wasiiro, waxaana wasiirada uu soo magacaabayo la sheegay in ay u badnaan doonaan kuwa hada shaqeeya.
