UK samaysatay Baasaboorka Cusub Oo Ka Duwan Kii Hore

59

Dowladda Ingiriiska ayaa shaacisay in toddobaadyada soo socda bilaaban doono bixinta baasaboorka cusub ee dib loo naqshadeeyay, taasi oo imaaneysa sannado kooban kadib markii isbeddelkii ugu dambeeyay lagu sameeyay sannadkii 2020-kii.

Baasaboorka cusub oo ay si dhow u diyaariyeen Wasaaradda Socdaalka iyo Jinsiyadaha ayaa noqonaya kii ugu horreeyay ee xambaarsan astaanta boqortooyada “His Majesty’s Arms” ee Boqor Jaarles III, kadib geeridii boqoraddii hore Elizabeth II.

Maxaa ka cusub baasaboorkan?

Wasiirka Socdaalka, Mike Tapp, oo bishii hore ka hadlay arrintan ayaa sheegay in naqshaddu ay ku dhisan tahay isku dhafka taariikhda dalka iyo tiknoolojiyadda casriga ah.

Waxa uu yiri:“Soo bandhigida astaanta boqorka, muuqaalada dhismayaasha taariikhiga ah iyo tallaabooyinka cusub ee amniga waa astaan muujinaysa marxalad cusub oo baasaboorka Ingiriiska ah.”

Naqshadda Gudaha: Qurux dabiici ah & Heritage

Gudaha baasaboorka cusub waxaa lagu soo bandhigay afar goobood oo ay UNESCO u aqoonsatay dhaxal adduun:

Ben Nevis – buurta ugu dheer UK (Scotland)
The Lake District – dhul cagaaran oo caan ah (England)
Three Cliffs Bay – xeeb qurux badan (Wales)
Giant’s Causeway – dhagxaan dabiici ah oo yaab leh (Northern Ireland)
Goobahan ayaa ka dhigaya baasaboorka mid ka turjumaya quruxda iyo kala-duwanaanta jografía ee boqortooyada.

Amni la xoojiyey

Xafiiska Arrimaha Gudaha ayaa sheegay in baasaboorka cusub uu yahay “kan ugu amniga badan ee abid UK soo saarto.”

Waxaa lagu xoojiyey farsamooyin ay ka mid yihiin:

Holography casri ah oo iska beddelaysa dhinacyada kala duwan
Translucent technology oo fududaynaysa xaqiijinta baasaboorka
Tallaabooyin kale oo ka hortagaya in la been abuuro ama wax laga beddelo
Tani waxay ka dhigaysaa baasaboorka mid aad u adag in la sameeyo ama lagu shubto.

Goorma ayaa la billaabayaa?

Baasaboorkii ugu horreeyey ee wata astaanta Boqor Charles III ayaa la soo saaray, iyadoo bisha Diseembar la bilaabi doono bixinta baasaboorrada cusub.

Dadku looma baahna inay baasaboorka cusub dalbadaan illaa kaadhkooda hadda yaal uu dhacayo.

Baasaboorrada wata astaantii Boqorad Elizabeth II ayaa shaqaynaya ilaa ay dhacaan.

Tirada la bixiyey & qiimaha

Lixdii bilood ee 2025, UK waxay bixisay 3.8 milyan oo baasaboor
99.7% waxaa la bixiyey gudahood 3 toddobaad

Qiimaha cusboonaysiinta:

£94.50 (online)
£107 (paper application)
Maxay Brexit ku kordhisay nidaamka socdaalka?

Tan iyo markii Britain ka baxday Midowga Yurub, waxaa soo baxay nidaam safar oo ka duwan kii hore, taas oo saameysay sida British-ka ugu safri karaan dalalka Schengen. Baasaboorka cusub ayaa qayb ka ah isbeddelkan ballaaran ee socdaalka iyo amniga.