Maxkamada Ciidamada qalabka sida ee Dowlada Somalia waxaa maanta la hor keenay Sarkaal ka tirsan Alshabaab oo lagu magacaabo Idirdis maxamed sheekh Maxamed islamarkaana magaciisa is afgarashada uu yahay Abuu Cabaas.
Maxkamada waxaa laga sheegay in Abuu Cabaas uu yahay saaxiibka 1-aad ee Macalin Geedoow oo ah sarkaalka Alshabaab ah hadana ku sugan dhanka buuraha Gal-gala ee Puntland, Abu Cabaas waxay Makamadu sheegtay inuu soo noqday Madixii Magaalooyinka Bardaale,Diinsoor iyo Baydhaba,Sidoo kale waa xubin Golaha shuurada Alshabaab oo laga wado Golaha Baarlamaanka , sidoo kale wuxuu soo noqday sarkaalka ugu sareeya Gobolka Shabeelaha dhexe,sidoo kale waxay Maxkamadu sheegtay inuu yahay Maalqabeen ka tirsan kooxda Alshabaab islamarkaana maalgeliya kooxda.
Gudoomiyaha Maxkamada Ciidamaa Garyaqaan Xasan Cali Nuur (Shuute) ayaa ugu horeyn Abuu Cabaas wuxuu hor dhigay sedex mid inuu qaato in eedaha loo soo jeediyay uu qirsan yahay ama inkiraayo ama uu dood sharci ah ka qabo, wuxuna sheegay inuu dood shaqrci ah ka qabo.
Eedeysane Abuu Cabaas wuxuu sheegay inuu qirsan yahay inuu Alshabaab ka tirsanaan jirey balse uu isaga baxay sida uu ku dooday ,wuxuu xusay in marka la soo qabanayay uu safar ku jirey isagoo doonayay inuu xaasaskiisa iyo caruurtiisa aado, sidaasna lagu soo qabtay isagoo safar ahaa,sidoo kale wuxuu gabi ahaanba meesha ka saaray oo uu diiday inuu maalgeliyo kooxda alshabaab .
