DAAWO: Chelsea & Arsenal oo 1-1 ku kala tagay=SAWIRRO

40

Kulankii Chelsea iyo Arsenal ee wareegga 13-aad ee Premier League-ka Ingiriiska ayaa ku dhammaaday barbaro 1-1 ah, waxaana la ciyaaray garoonka Stamford Bridge.

Arsenal ayaa dhibcahooda gaarsiisay 30 oo ay hoggaanka ku hayaan kala-sarraynta guud, iyaga oo shan dhibcood ka sarreeya Manchester City, halka Chelsea ay dhibcahooda kordhiyeen 24 oo ay ku jiraan kaalinta saddexaad.

Chelsea waxay ku ciyaartay 10 ciyaaryahan kadib markii Caicedo loo diray kaarka cas daqiiqaddii 38-aad kaddib markii uu ku dhacay Mikel Merino. Trevoh Chalobah ayaa goolka furitaanka u dhaliyay Blues daqiiqaddii 48-aad isagoo madax ku dhammaystiray karoos koonka ka yimid.

Daqiiqaddii 59-aad, Arsenal ayaa dhalisay goolka barbaraha oo uu madax ku dhaliyay Mikel Merino kaddib karoos uu bixiyay Saka.

Arsenal ayaa ku dhowaaday inay ku laabtaan guusha markii Mikel Merino uu birta hoose ku tuuray kubbad hoose oo gudaha xerada ganaaxa ahayd, balse goolhayaha Sanchez ayaa si cajiib ah laba jeer u badbaadiyay daqiiqaddii 89-aad.