Agaasimihii Xarunta La-dagaallanka Argagixisada Qaranka ee Mareykanka, oo la taliya Madaxweynaha Mareykanka Donald Trump iyo agaasimaha sirdoonka qaranka ee ku saabsan hanjabaadaha “argagixisada”, ayaa iscasilay sababo la xiriira dagaalka ay la galeen Iiraan .
Warqad iscasilaad ah oo lagu daabacay bogga X, Joe Kent wuxuu ku sheegay in uusan “damiir wanaagsan” ku taageeri karin dagaalka socda.
“Iiraan khatar degdeg ah kuma soo kordhin qarankeena, waana iska cad inaan dagaalkan bilowday cadaadis ka yimid Israa’iil iyo ololaheeda awoodda badan ee Mareykanka,” ayuu yiri.
Wuxuu tilmaamay ballanqaadyadii hore ee Trump ee ahaa inuu soo afjari doono faragelinta Mareykanka ee dibadda, isagoo qoray, “waad fahantay in dagaallada Bariga Dhexe ay ahaayeen dabin Mareykanka kudhacay noloshii hore ee waddaniyiinteenna isla markaana baabi’iyay hantida iyo barwaaqada qarankeenna”.
Iscasilaadda ayaa ah tii ugu sarreysay ee ka timaada maamulka Trump tan iyo markii Mareykanka iyo Israa’iil ay weerarro ku qaadeen Iiraan 28-kii Febraayo.
