Senator Lindsey Graham oo ka tirsan Aqalka Senate -ka Mareykanka ayaa Isniintii si kulul u cambaareeyay Sacuudiga oo ku eedeeyay inaysan weerarin Iiraan , wuxuuna ku hanjabay “cawaaqib xumo” ka dhalan karta haddii aysan ku biirin dagaalka Mareykanka iyo Israa’iil ee ka dhanka ah Iiraan, kaas oo boqortooyadu ay ka soo horjeedsatay bilowgii.
“Waa fahankayga in Boqortooyada ay diidayso inay isticmaasho ciidankeeda awoodda leh si ay qayb uga noqoto dadaalka lagu soo afjarayo nidaamka Iiraan ee waxashnimada iyo argagixisada ah ee argagax geliyay gobolka isla markaana dilay 7 Mareykan ah,” Graham ayaa ku qoray X.
“Ma tahay in Mareykanku uu heshiis difaac la galo waddan sida Boqortooyada Sacuudi Carabiya oo aan rabin inuu ku biiro dagaal dano wadaag ah?” ayuu raaciyay.
Qoraalka Graham wuxuu si wax ku ool ah u xaqiijinayaa waxa sarkaal Mareykan ah uu hore u sheegay : in Riyadh ay ka hor istaagtay Mareykanka inuu galo saldhigyadiisa si uu u fuliyo howlgallada weerarka.
Taliska Dhexe ee Mareykanka ayaa Isniintii sheegay in askarigii toddobaad ee Mareykanka ah uu u dhintay dhaawac ka soo gaaray 1-dii Maarso weerar ay Iiraan ku qaadday saldhig milatari oo Mareykanka uu ku leeyahay Sacuudi Carabiya.
Iiraan waxay weerartay Saldhigga Cirka ee Amiir Sultan ee Mareykanka ee Boqortooyada, waxayna sidoo kale weerartay qaybta CIA ee safaaradda Mareykanka ee Riyadh.
Graham si xoog leh ayuu ugu ololeeyay dagaalka ka dhanka ah Iiraan, kaas oo bilaabmay 28-kii Febraayo.
