Xiddiga weerarka uga ciyaara kooxda Barcelona ee Antoine Griezmann ayaa ka hadlay xidhiidhka uu la leeyahay xiddigaha weerarka kula lamaaneeya kooxda Barcelona ee Luis Suarez iyo Lionle Messi.
Antoine Griezmann ayaa ku soo biiray kooxda Barcelona suuqii xagagaaga isaga oo kaga soo biiray kooxda Atletico Madrid laakiin aan ilaa haatan soo bandhigin qaab ciyaareed fiican.
Antoine Griezmann oo arintaas ka hadlaya ayaa yidhi”Waxa aan Run ahaantii Ahay Qof Xishood Badan Arintaas ayaana sabab u ah in ay igu adkaato in aan la xidhiidho”.
“Messi iyo Suarez horay ayay isku garanayaan waxana aan aaminsanahay in uu fiicnaan doono xidhiidhkeenu”Ayuu hadalkiisa sii raaciyay.
Griezmann ayaa kaliya 4 gool u dhaliyay horyaalka La Liga xilli ciyaareedkan isaga oo aan xidhiidh fiican la lahayn xiddiga kooxda Barcelona ugu muhiimsan ee Lionel Messi.
