Xiddigaha weerarka uga ciyaara kooxda Arsenal ee Pierre-Emerick Aubameyang & Alexandre Lacazette ayaa lagu soo waramayaa in ay isaga tagayaan kooxda Arsenal hadii uu Unai Emery sii ahaado tababaraha kooxda.
Gunners ayaan haatan 5 kulan wax guul ah ka gaadhin Premier League kadib bar-barihii Southampton ee sabtida.
Taageerayaasha kooxda ayaa si weyn ugu Oriyay tababaraha kadib markii ay dhamaatay ciyaartu kulankii sabtidii xilli uu Emery wajahayo culays xoogan.
Arintaas ayaa keentay in ay kooxdu ku jirto kaalinta 8-aad ee kala saraynta iyaga oo haatan 19 dhibcood ka dambeeya hogaamiyayaasha Liverpool.
Waxa intaas sii dheer in ay kooxda ku adagtahay in ay u soo baxdo champions League xilli ciyaareedka cusub.
Inkasta oo ay qaab ciyaareed xun ku jirto kooxdu hadana xiddigaha Pierre-Emerick Aubameyang & Alexandre Lacazette ayaa qaab ciyaareed cajiib ah ku jira.
Wargayska Daily Mail ayaa haatan sheegaya in ay labada xiddig iska tagi doonaan kooxda hadii uu Emery sii joogo kooxda wakhtiga soo socda.
