Tababaraha Kooxda Arsenal ee Unai Emery ayaa sheegay in dhaawacyo ka hor istaageen in uu ciyaarsiiyo xiddigaha Alexandre Lacazette & Nicolas Pepe Kulankii ay Arsenal guuldarada kala kulantay kooxda Eintracht Frankfurt.
Arsenal ayaa iska khasaarisay fursad ay ugu soo bixi lahayd wareega xiga kadib markii ay guuldaro 2/1 ah kala kulmeen kooxda Eintracht Frankfurt kulan ka dhacay Emirates.
Kabtanka Arsenal ee Piere-Emeric Aubameyang ayaa hogaanka u dhiibay kooxdiisa ka hor inta uuna xiddiga Daichi Kamada dhalin laba gool qaybtii dambe ee ciyaarta.
Arsenal ayaa 30-kii daqiiqo ee ugu dambaysay raadinaysay goolka bar-baraha Emery ayaana sheegay in dhaawacii soo gaadhay daafacyada David Luiz & Shkodran Mustafi ay ka hor istaagtay in uu ciyaarta soo galiyo qaybtii dambe xiddigaha Lacazette & Pepe.
David Luiz ayaa ciyaarta uga baxay dhaawac daqiiqadii 31-aad ee qaybtii dambe halka ay Arsenal badalkii 3-aaad ka dhigtay Lucas Torriera oo badalay Mustafi.
Emery ayaa la waydiiyay sababtii uu badal ugu soo galin waayay xiddigaha Lacazette & Pepe waxana uu ku jawaabay”Waxa naga hor istaagay dhaawacyada soo gaadhay daafacyada”.
“Waxa aan ku qasbanaanay in aan badalno David Luiz kadib waxa dhibaato kale ku dhacday Mustafi, labadaas dhaawac ayaa keentay in aan soo galin wayno Lacazette & Pepe”
