Kooxda Rela Madrid ayaa si Rasmi ah ula wareegtay hogaanka horyaalka La Liga kadib markii ay guul ka gaadheen kooxda Alaves kulan ka tirsanaa todobaadkii 15-aad.
Real Madird ayaa kulanka soo gashay iyaga oo ay ka go,antahay in ay helaan 3-da dhibcood ee ciyaarta si ay kali ugu noqdaan hogaanka horyaalka inkasta oo ay ku meel gaadh kaliya tahay.
Kulanka ayaa ahaa mid ay labada kooxood ku kala bexeen bar-baro ah qaybtii hore ee ciyaarta oo ayna wax gool ah kala dhalin inkasta oo ay sameeyeen fursado fiican.
Qaybtii dambe ayay Real Madrid ku soo gashay sidii u dhalin lahayd gool iyaga oo Alaves ku qaadayay weeraro aan kala joogsi lahayn oo ay ku raadinayeen goolka 1-aad.
Daqiiqadii 52-aad ayay Real Madrid dhalisay goolka 1-aad ee ciyaarta iyaag oo uu madax u dhaliyay kabtanka Sergio Ramos kaas oo hogaanka u dhiibay kooxdiisa.
Kooxda Alaves ayaa bilowday raadinta goolka bar-baraha iyaga oo Real Madrid ku qaadayay weeraro Rogaal celis ah oo halis ah.
Daqiiqadii 65-aad ayay Alaves dhalisay goolka bar-baraha iyaga oo uu rikoodhe u dhaliyay xiddiga Lucas Perez kaas oo ciyaarta ka dhigay bar-baro 1/1 ah.
Kooxda Real Madrid ayaan ka quusan in ay mar kale gool dhaliso iyaga oo weeraro ku qaadayay kooxda Alaves oo difaac gashay una muuqday muwo raali ka aha bar-baro.
Laakiin daqiiqadii 69-aad ayay Real Madrid mar kale hogaanka u qabatay ciyaarta iyaga oo uu goolka u dhaliyay xiddiga Dani Carvajal kaas oo hogaanka u dhiibay kooxdiisa mar kale.
Waxa sidaas ku dhamaatay ciyaarta oo Real Madrid gaadhay guul muhiim ah oo ay hogaanka si ku meel gaadh ah kali ugu noqotay.
