Maamulka koonfur galbeed ayaa maanta Gaalkacyo ka qaaday 78 qof oo ka kooban 21 qoys, kuwaas oo kamid ahaa dadkii lagasoo barakaciyay magaalada Laascaanood.
Guddi heer wasiir ah oo uu madaxweynaha Koonfur galbeed u maacaabay xaaladda dadkan, ayaa garoonka diyaaradaha ee Gaalkacyo ka daabulay qoysaskan, kuwaas oo kusii jeeday Baydhabo
Qoysaska maanta laga qaaday magaalada Gaalkacyo waxay ahaayeen qoysaskii ugu jilicsanaa ee ay Puntland si kumeel gaar ah dib u dajin ugu sameysay kadib markii si khasab ah uu maa Somaliland ugasoo barakicisay magaaladii ay ku noolaayeen ee Laacaanood.
Guddiga Koonfur galbeed iyo masuuliyiin katirsan Puntland ayaa guud ahan dadka lasoo barakaciyay saakay la qaatay kulan, waxayna u sheegeen in labada maamul iska kaaashanayaan sidii loo taageeri lahaa loolana qeybsan lahaa dhibaatada soo gaartay.
Muddo todobaad ah ayaa kasoo wareegtay markii qoysaskan si xoog ah loogasoo saaray magaalada Laascaanood, iyagoo aan lasiin wax digniin ah.
Somaliland ayaa mar kale ku habjabtay in aay deegaannadeeda ka saarayso dadka aan u dhalan ee kasoo jeeda gobolada koonfurta Soomaaliya.
