Kooxda Liverpool ayaa sii wata guulaha premier League kadib markii ay garaaceen kooxda Southampton.
Reds ayaa sii dheeraystay hogaanka iyaga oo haatan 8 dhibcood ka horeeya kooxda ugu dhaw ee Man City.
Kulanka ayaa ku bilowday mid ay Liverpool raadinaysay goolal iyaga oo maamulayay ciyaarta.
Daqiiqadii 30-aad ayay Liverpool dhalisay goolka 1-aad ee ciyaarta waxana u dhaliyay xiddiga Dominik Szoboszlai kaas oo ciyaarta ka dhigay 1/0.
Kooxda Southampton ayaa bar-baraha keentay daqiiqadii 42-aad kadib markii uu xiddiga Adam Armstrong dhaliyay rikoodhe loo dhigay kooxdiisa.
Southampton ayaa qaybtii dambe daqiiqadii 56-aad kaga naxsatay Liverpool goolka 2-aad waxana u dhaliyay Mateus Fernandes kaas oo ciyaarta ka dhigay.
Laakiin Liverpool ayaa daqiiqadii 65-aad dhalisay goolka bar-baraha waxana u dhaliyay xiddiga Mohamed Salah kaas oo ciyaarta ka dhigay 2/2.
Kooxda Reds ayaa daqiiqdii 83-aad dhalisay goolka 3-aad ee ciyaarta waxana mar kale rikoodhe u dhaliyay xiddiga Mohamed Salah.
Waxa sidaas ku dhamaatay ciyaarta oo ay Liverpool gaadhay guul muhiim ah iyaga oo sii dheeraystay hogaanka premier League.
