Kooxda Barcelona ayaa marti u noqon doonta kooxda Leganes kulan ka tirsan horyaalka La Liga kana dhici doona garoonka Estadio Municipal de Butarque kana tirsan todobaadkii 14-aad ee horyaalka La Liga.
Kooxda Barcelona oo goolal ku hogaaminaysa horyaalka ayaa kulanka u soo galaysa iyaga oo doonaya in ay sii xejistaan hogaanka horyaalka La Liga.
Dhanka kale kooxda Leganes oo kaliya hal kulan badisay ilaa haatan horyaalka ayaa isha ku haysa in ay Barcelona ka yaabsato waliba gaadho guusheedii 2-aad ee xilli ciyaareedkan.
Kulanka: Leganes Vs Barcelona
Tartanka: La Liga
Garoonka: Estadio Municipal de Butarque
Wakhtiga: 03:00 Duhurnimo
XAQIIQOOYINKA KULANKA:
Leganes ayaa laga badiyay 5 ka mid ah 6-dii kulan ee ay la ciyaartay kooxda Barcelona iyaga oo badiyay kulankii September 2018.
Barcelona ayaa noqon karta kooxdii ugu horaysay ee Leganes 3 kulan kaga badisa garoonka Estadio Municipal de Butarque waxana ay haatanba yihiin kooxda goolasha ugu badan ku dhalisay isla garoonkaas.
Barcelona ayaa la kulantay hal guuldaro 19-kii kulan ee ay booqatay kooxaha reer Madrid waxana ay Guuldaradaas kaga timid isla kooxdan Leganes kaas oo hayd xilli ciyaareedkii hore.
Barcelona ayaa kaliya badisay 3 ka mid ah 11-kii kulan ee ay martida ahayd xilli ciyaareedkan tartamada oo dhan iyada oo 2 ka mid ka yimaadeen horyaalka La Liga halka kalena ka timid Champions League.
