Xiddiga garabka uga ciyaara kooxda Man City ee Riyad Mahrez ayaa kashay qaabkii ay xiddigaha Man City uga fal celiyeen guushii ay kooxda Liverpool ka gaadhay kooxda Crystal Palace Sabtidii kulan ka tirsanaa horyaalka premier Leageu.
Liverpool ayaa guul adag ka gaadhay kooxda Crystal Palace kulan ka tirsanaa todobaadkii 13-aad ee horyaalka premier League.
Man City ayaa kadib kulankaa gaadhay guul 2/1 ah oo ay ka gaadhay kooxda Chelsea kulan ka dhacay garoonkeeda Etihad.
Mahrez oo la hadlaya wargayska Miroor ayaa yidhi”Waxa aan ogaanay guusha Liverpool kadib waxana aan diyaar u nahay in aanu guul gaadhno dhamaan kulamada noo hadhay”.
“Anagu waxa aan isku dayi doonaa in aanu guul gaadhna hadii Liverpool laga badiyo iyo hadii kaleba sababta oo ah waa go’aankeena”.
“Anagu ma eegno kulamada Liverpool sababta oo ah xilli ciyaareedkii hore waxa jirta mar ay Liverpool naga horaysay 10 dhibcood hadana waan dhaafnay”.
“Waxa aan isku dayi doonaa in aanu guul gaadhno dhamaan kulamada nooga hadhay horyaalka”.
