Suuqa kala iibsiga ayaan haatan furnayn iyada oo ayna kooxduhu la soo saxiixan karin wax xiddigo ah oo heshiisyo ku jira.
Laakiin arintaas ayaan la macno ahayn in ayna jiri doonin waxa kooxaha reer yurub la xidhiidhinaya xiddigaha kala duwan.
Kooxaha ayaa isku diyaarinaya suuqa Janaury ee sanadka cusub oo ay inaga xigaan bilo iayab oo wakhtigaas la saxiixan kara xiddigaha ay doonayaan.
Hadaba kooxda.com ayaa si maalin leh ah idiinku soo gudbin doonta wararka ugu dambeeya ee suuqa kala iibsiga ciyaartooyda ee ay qoraan wargaysayda.
Kooxda Borussia Dortmund ayaa ogolaatay in ay iibiso xiddiga da,yarka ah ee Jadon Sancho marka la gaadho suuqa January (Independent).
Xiddiga Jadon Sancho ayaa loo sheegay in uu yahay xiddiga kaliya ee ka maqan kooxda Liverpool si ay u noqoto awooda yurub (Star).
Tababaraha Caawiyaha ah ee Freddie Ljungberg ayaa lagu soo waramayaa in uu noqon karo tababaraha ku meel gaadhka ah ee kooxda hadii Unai Emery shaqada laga caydhiyo (Times).
Kooxda Liverpool ayaa ka cabsi qabta in ay Fabinho waydo ugu yaraan 6 todobaad kadib markii uu dhaawac kuraanta ah ka soo gaadhay kulankii Napoli (Mail).
Kooxda Man United ayaa gabi ahaan isaga hadhay xiixaha ay u qabto saxiixa weeraryahanka kooxda Juventus ee Mario Mandzukic (The Athletic).
Kooxda Borussia Dortmund ayaa haatan ugu cad-cad saxiixa Mario Mandzukic marka la gaadho suuqa January si la mid ah xiddiga khadka dhexe uga ciyaara kooxda Juvnetus ee Emre Can (Sun).
Xiddiga weerarka uga ciyaara kooxda PSG ee Kylian Mbappe ayaa ugu dambayn ku biiri doona kooxda Real Madrid (Le Parisien).
Kooxda Arsenal ayaa si lama filaan ah dalab 35 milyan ah ka gudbinaysa saxiixa xiddiga khadka dhexe uga ciyaara kooxda Real Madrid ee James Rodriguez si kasta ha ahaatee xiddiga ayaa midkood doonaya in uu ku biiro Inter ama PSG (Eldesmarque).
Xiddiga khaka dhexe uga ciyaara kooxda Real Madrid ee Fede Valverde ayaa ogolaaday in uu heshiis cusub u saxiixo kooxda Real Madrid (Marca).
Xiddiga garabka uga ciyaara kooxda chelsea ee Willian ayaa doonaya in uu heshiis cusub u saxiixo kooxd chelsea (Telegraph).
Kooxda Real Madrid ayaa Man United diyaar ula ah dalab lacageed oo dhan 73 milyan oo euro iyo waliba xiddigaha James Rodriguez & Mariano si ay u helaan saxiixa xiddiga Paul Pogba marka la gaadho suuqa January (Mirror).
Tababaraha Kooxda Tottenham ee Jose Mourinho ayaa go’aamiyay in uu iska iibiyo xiddiga khadka dhexe ee Christian Eriksen (Tuttosport).
Tababaraha Kooxda Man United ee Ole Gunnar Solskjaer ayaa rajaynaya in ay Man United siiso lacag uu suuqa ku galo January xilli uu doonayo saxiixa xiddigaha Jadon Sancho & Erling Braut Haaland (Express).
