Weeraryahanka kooxda Inter Milan ee Romelu Lukaku ayaa saamayn weyn ku yeeshay kooxdiisa Inter Milan kulankiisii ugu horeeyay ee u ciyaaray kadib markii uu todobaadkii hore ku biiray kooxda.
Romelu Lukaku ayaa 4 gool dhaliyay kulankiisii ugu horeeyay ee uu u ciyaaro kooxda Inter Milan xilli ay Inter Milan 8/0 ku garaacday kooxda Virtus Bergamo.
Lukaku ayaa dhamaystiray heshiiskii uu mudadad dheer sugayay khamiistii hore isaga oo kaga soo biiray Man United laakiin si toos ah u bilowday ciyaarista kooxdiis cusub.
Weeraryahanka ayaa la siiyay No.9 isaga oo ku bilowday kulanka saamayn deg-deg ahna ku bilowday kooxdiisa isaga oo 4 gool dhaliyay kooxdiisana ka caawiyay in ay 8 gool kaga badiso kooxda Virtus Bergamo.
Tababare Antonio Conte ayaa ciyaarta ku bilaabay xiddigihii aan ka qayb qaadan kulankii Sabtidii ay kooxdu guusha ka gaadhay kooxda Valencia.
Xiddigaha Matias Vecino & Sebastiano Esposito ayaa dhankooda dhaliyay min laba gool kalan qaybsaday 4-tii gool ee kale ee ay Inter Milan dhalisay.
