Dr. Cabdulqaadir Khan oo ahaa maskaxdii ka dambeysay sameynta Hubka Nuclearka ee dalka Pakistan ayaa ku geeriyooday caasimadda dalkaasi ee Islamabad.
Telefishinka Qaranka Pakistan ayaa sheegay in Dr. Cabdulqaadir Khan uu u geeriyooday xanuuno ka haleelay Sambabada.
RW Pakistan, Imran Khan oo ka tacsiyadeeyey geeridiisa ayaa sheegay inay Dr. C/qaadir Khan uu ahaa halyey qaran, uuna door muhiim ah ka qaatay sidii uu dalka Pakistan u noqon lahaa dal haysta Hubka Nukliyeerka.
Warbaainta dalkaas ayaa sheegtay in marxuumka lagu aasi doono Masjidka Jaamaca ee Faisal Mosque oo ku yaalla magaalladda Islamabad.
