Tababaraha Kooxda chelsea ee Frank Lampard ayaa ka warbixiyay xaalada dhaawac ee xiddiga weerarka uga ciyaara kooxdiisa ee Tammy Abraham kaas oo dhaawac uga baxay kulankii Valencia.
Tammy Abraham ayaa dhaawac looga saaray daqiiqadihii ugu dambeeyay ee kulankii ay chelsea bar-baraha la gashay kooxda Valencia kulan ka tirsanaa champions League.
Xiddiga reer England ee da,yarka ah ayaa ciyaarta ka baxay isaga oo ooyahay waliba sariirta dhaawaca looga qaaday garoonka kadib markii uu socon kari waayay.
Kadib ciyaarta ayaa taabbare Frank Lampard wax laga waydiiyay dhaawaca xiddiga isaga oo ka hadlaya shirkii ka dambeeyay kulankii Valencia.
Isaga oo arintaas ka hadlaya ayuu yidhi”Ma hubo, haatan waxa uu joogaa qolka Labiska, waxa ay jug ka soo gaadhay Sinta laakiin waxa laga yaabaa in uuna ahayn mid halis ah sidii uu u muuqday”.
