Xiddiga khadka dhexe ee kooxda Man United ee Paul Pogba ayaa lagu soo waramayaa in uu isku dayayo in uu kooxda Real Madrid ku biiro marka la gaadho suuqa January.
Inkasta oo uuna Pogba wax kulan ah u ciyaarin tan ilaa dhamaadkii Bishii September sabab la xidhiidha dhaawac kuraanta ah hadana waxa la filayaa in uu xiddigu ku soo laabto garoomada todobaadyada soo socda.
Si kasta ha ahaatee Saxafiga Paco Gonzalez ayaa sheegaya in uu xiddiga reer France kooxdiisa u sheegay in uuna doonayn in uu mar kale u ciyaaro kooxda si uu ugu qasbo in uu ku biiro Real Madrid.
Saxafiga oo la hadlaya Tiempo de Juego ayaa sheegay in uu Paul Pogba mar kale maamulka kooxdiisa ka codsaday in uu doonayo in uu isaga tago kooxda suuqa Janaury.
Sidaas darteed waxa uu u sheegay maamulka kooxda in uuna doonayn in uu u ciyaaro kooxda si uuna mar kale u dhawacmin arintaasna uga hor istaagin in uu January ku biiro Real Madrid.
