Tababaraha Kooxda Man City ee Pep Guardiola ayaa ku adkaysanaya in ayna Man City wax lacag ah suuqa Galin doonin suuqa January marka uu dib u furmo inkasta oo ay 11 dhibcood ka dambeeyaan kooxda Liverpool.
Pep Guardiola ayaa sheegay in ayan Man City wax lacag ah suuqa galin doonin January si ay u soo qabtaan hogaamiyayaasha horyaalka premier League ee Liverpool.
Man City ayaa haatan ku jirta kaalinta 3-aad ee kala saraynta premier League iyaga oo 11 dhibcood ka dambeeya kooxda Jurgen Klopp ee Liverpool.
Kooxda difaacanaysa horyaalka premier League ayaa dhibaato weyn ka qabta daafaca kadib markii ay ku fashilmen in ay buuxiyaan booskii uu baneeyay Vincent Kompany.
Laa Guardiola oo arintaas ka hadlaya ayaa yidhi”Maya, Maya, Ma doonayo xiddigo cusub suuqa January”.
Guardiola ayaa sheegay in hadii ay kooxdiisu suuqii xagaaga dhamaystiri wayday saxiixyada uu doonayo ma doonayo in uu suuqa galo bisha January.
“Hadii aan dhamaystiri waynay saxiixyada suuqii xagaaga ma dhamaystiri karno suuqa January”ayuu hadalkiisa sii raaciyay
